15-16 sentyabr 2016-cı il tarixlərində R.İ.T.A.-nın təşkilatçılığı ilə IDEALIST2018 layihəsi çərçivəsində Avropa Komissiyasının HORIZON2020 Proqramına və Proqramda iştirak qaydalarına həsr edilmiş növbəti tədbir keçiriləcəkdir.
Tədbirin ikinci günü Azərbaycan tədqiqatçılarının təqdim etdikləri layihə təklifləri 6 xarici ekspert tərəfindən müzakirə ediləcək və HORIZON2020-nin növbəti müsabiqələrinə uyğunluğu qiymətləndiriləcəkdir.
 
Tədbirdə HORIZON2020-nın Fransada, Latviyada, Macarıstanda, Ukrayna, Moldova və Gürcüstanda Milli Təmsilçiləri öz fəaliyyətləri barədə, ölkələrində fəaliyyət göstərən alim və tədqiqatçıların HORIZON2020-da iştirakı barədə məlumat verəcək və Azərbaycan alimlərinin layihə təkliflərini müzakirə edəcəklər. Eyni zamanda layihə müəllifləri xaricdə müvafiq partnyor axtarışına dair məsləhət ala biləcək.
Tədbir Azərbaycan Dövlət Neft və Sənaye Universitetində keçiriləcək.